Djeca se posebno raduju vaskršnjim praznicima zbog mnoštva šarenih jaja.

Ove godine organizovane su dvije kreativne radionice u Ustanovi.

U srijedu, 24. aprila održana je radionica za djecu koja prate nastavu po Posebnom programu vaspitno-obrazovnog rada kombinovane smetnje: tjelesne, senzorne i mentalne od umjerenih do težih smetnji.

Djeca su zajedno sa roditeljicama i defektološkinjama posebnim tehnikama bojila i ukrašavala vaskršnja jaja, koja su potom postavili u izložbenom prostoru u prizemlju škole.

U četvrtak, 25. aprila na radionici su učestvovali učenici osnovne i srednje škole zajedno sa nastavnicama. Učenici su crtali jaja u raznim bojama. Tokom radionice slušali su vaskršnje pjesme na našem i engleskom jeziku. Crteže su prenijeli na panoe na spratu škole. Poslije radionice propratili su maskenbal mališana Vaspitne jedinice „Mogli“ JPU „Đina Vrbica“ u dvorištu Ustanove.

Bio je ovo još jedan način da djeca i učenici pokažu svoje kreativne sposobnosti i lijepo se zabave.